Peace .. said just in our dreams

samedi 7 août 2010

تق تق تق .. آش كون ؟ التقدم معاك

تق تق تق -
شكون يدقّ عل باب ؟ -
حلّ حلّ -
شكون انتي ؟ الدنيا ليل و جاي دقدق على بيبان النّاس -
تي حلّ الباب التقدّم راني -

حومة كاملة والتقدم يدور من دار لدار .. فمّا لي حلّ الباب على مصراعيه , فمّا لي رجع رقد و فمّا لي عمل طلّة و فيسع سكّره
التقدّم وقتلّي جا , جاب معاه عايلة كاملة : مرته التحضّر , ولده التسامح و بنته حلم السلام . جاب معاه مرته الثانية سبب المشاكل اسمها تعصّب و ولادها سويعة سبور و بنتها روتانيّات .
حاصيلو , الحومة كلات بعضها بين حضارة و أصالة . التعصب يحب يطرد التسامح والتسامح قابل الدنيا الكل كيما هي .

نحب نقول لجيراني قبل ما تحلّو بيبانكم , تبنّو شويّة ثقافة قبل ما يصدم على حومتك التقدم ..

Aucun commentaire:

Enregistrer un commentaire