عيد المرأة ..

اليوم , نحبّ نحتفل بالمرأة التونسيّة .. المرا بكلّ المهن الّي تخدمها , من ربّة بيت الى باحثة علميّة الى عاملة يوميّة بما فيها فتيات الهوى الى طبيبة وأستاذة ..

المرا , ثورة .. المرا كنز قبل ما تكون جسد كيما يشوف فيها أغلبيّة .. المرا فكر قبل ما تكون أمّ , ابنة , أخت , صديقة أو حبيبة أو زوجة

يِؤلمني جدّا أن أرى في شوارعنا بعض الرجال الّي يغزرو للمرا غزرة شهوة , حاجة ولاّ ممتلكات تتشرى بالفلوس و تتباع .

يؤلمني كي نشوف ولد شابّ يمنع أختو من الحياة واختبار تجارب الحياة بنفسها من أجل حاجة وحدة لي هيّ أختو ..

يِؤلمني أن أرى أقلام نساء و فكرهنّ مضطهد و حريّتهن وين ماشية وين تضطهد بحكم انّو الرجال قوّامون

يؤلمني الفكر البالي لي بعض النّساء زادة

توّا عرفت علاش نكره الأعياد , بغضّ النظر عن بعض المكاسب و الانجازات ما انّجم نشوف كان الجانب الآخر .. خاطرني بارفكسيونيست؟؟؟ لا أبدا .. أمّا هاذي بلادي و هاذوما نساء بلادي وعوض ما نبقى نحتفي بالمكاسب , نحاول نطوّر خاطرني نعشق بلادي

دمتم أحرارا يا نساء بلادي و دام فكركنّ حرّا